صادق خان لاہور میں

لندن کے میئر صادق خان لاہور میں

لندن کے میئر صادق خان پاکستانی شہر لاہور پہنچ گئے ہیں، جہاں وہ اپنی مہم ’لندن سب کے لیے کھلا ہے‘ کی ترویج کریں گے۔ وہ بھارت سے واہگا بارڈر کے ذریعے پاکستان میں داخل ہوئے۔

 Notting Hill Karneval in London (picture-alliance/dpa/Y.Mok)

پاکستان داخلے پر میئر لاہور کرنل (ریٹائرڈ) مبشر جاوید اور دیگر حکومتی عہدیداروں نے ان کا استقبال کیا۔

پاکستانی صوبے پنجاب کے وزیراعلیٰ شہباز شریف نے بھی اپنے ایک ٹوئٹر پیغام میں صادق خان کا خیرمقدم کرتے ہوئےکہا کہ وہ انہیں تاریخی شہر لاہور آنے پر خوش آمدید کہتے ہیں۔

We welcome Mayor @SadiqKhan from the historic city of London to the historic city of Lahore …

اس سے قبل صادق خان نے بھارت میں متعدد حکومتی عہدیداروں اور انسانی حقوق کے لیے کام کرنے والوں کے علاوہ فلمی ستاروں سے بھی ملاقاتیں کیں۔ صادق خان نے اپنے ایک ٹوئٹر پیغام میں نئی دہلی کا شکریہ بھی ادا کیا۔

Productive, positive, exciting and engaging – thank you Delhi for a terrific 24 hours. Next stop – Amritsar!

پاکستان پہنچنے سے قبل صادق خان نے کہا کہ ایک کثیرالثقافی اور عالمی مرکز شہر کے میئر کی حیثیت سے ان کے لیے نہایت ضروری تھا کہ وہ پاکستان اور بھارت دونوں ممالک کا دورہ کرتے کیوں کہ ان دونوں ہی ممالک سے لندن شہر کے ثقافتی، تعلیمی اور کاروباری روابط ہیں۔

صادق خان نے بھارت میں ممبئی، نئی دہلی اور امرتسر میں قیام کیا تھا، جب کہ پاکستان میں وہ لاہور، اسلام آباد اور کراچی میں ٹھہریں گے۔

اس دورے سے چند روز قبل صادق خان نے برٹش میوزم لندن میں بانیء پاکستان محمد علی جناح کے ایک مجسمے کا افتتاح بھی کیا۔

اس حوالے سے بھی سوشل میڈیا پر خاصی گہما گہمی دیکھی گئی۔ سوشل میڈیا صارف غلام رسول کے مطابق، ’’یہ ان کے لیے نہایت اعزاز کی بات تھی کہ انہوں نے بانی پاکستان کے مجمسے کی اس افتتاحی تقریب میں شرکت کی۔‘‘

It was really an honour to witness the unveiling ceremony of Quiad e Azam’s bust at British Museum, London.-e-Azam          

پاکستانی سوشل میڈیا صارفین کی جانب سے بھی صادق خان کے پاکستان کے دورے پر تہنیتی پیغامات دیکھنے میں آ رہے ہیں۔

اپنا تبصرہ بھیجیں