ایوانکا ٹرمپ کی آمد ، فقیروں کا صفایا

ایوانکا ٹرمپ کی آمد پر بھارتی حیدرآباد سے فقیروں کا صفایا

بھارت کے جنوبی شہر حیدرآباد میں پولیس کا کہنا ہے کہ امریکی صدر ڈونلڈ ٹرمپ کی صاحبزادی ایوانکا ٹرمپ کی آمد سے قبل عوامی مقامات پر گداگری ممنوع قرار دے دی گئی ہے۔

Ivanka Trump (AFP/Getty Images/J. Watson)

بھارتی شہر حیدرآباد میں رواں ماہ کے اواخر میں ہونے والی گلوبل انٹر پرائز سمٹ کا افتتاح بھارتی صدر نریندر مودی اور امریکی صدر ڈونلڈ ٹرمپ کی صاحبزادی ایوانکا ٹرمپ کریں گے۔ یہ کانفرنس نومبر کی اٹھائیس سے تیس تاریخ تک جاری رہے گی جس میں دیگر عالمی رہنما بھی شرکت کریں گے۔

حیدرآباد کے پولیس کمشنر ایم مہندر ریڈی نے رواں ہفتے مبینہ طور پر ایک حکم نامہ جاری کیا ہے جس کے مطابق ایوانکا ٹرمپ کی آمد سے قبل شہر کے فقیروں کے شہر میں عوامی مقامات اور گلیوں میں داخلے پر پابندی لگا دی گئی ہے۔ حکم نامے میں کہا گیا ہے کہ یہ گداگر شہر کی ٹریفک اور پیدل چلنے والوں کے لیے مشکلات کا سبب بنتے ہیں۔

آج بروز جمعہ ایک سینئیر پولیس افسر نے نام خفیہ رکھنے کی شرط پر خبر رساں ادارے اے ایف پی کو بتایا کہ یہ تحریری نوٹس شہری انتظامیہ کی معمول کی انسداد گداگری مہم کا حصہ ہے اور اس کا ایوانکا ٹرمپ کی حیدرآباد آمد سے کوئی تعلق نہیں۔

A city in India plans to send 6,000 beggars to shelters or rehab, ahead of Ivanka Trump’s visit. https://usat.ly/2i0PWqd 

Indian city bans begging ahead of Ivanka Trump visit

People who defy the ban can be fined or jailed.

usatoday.com

مذکورہ پولیس افسر کا کہنا تھا کہ شہر میں ان فقیروں کے لیے ایک بحالی مرکز قائم کیا گیا ہے جہاں وہ تب تک رہ سکتے ہیں جب تک ایک نارمل زندگی گزارنے کے قابل نہیں ہو جاتے۔

بھارتی شہر حیدرآباد میں بھیک مانگنے پر یہ پابندی سات جنوری سن 2018 تک جاری رہے گی اور خلاف ورزی کرنے والے فقیروں کو جیل کی سزا یا جرمانہ بھگتنا پڑے گا۔

انسانی حقوق کی کارکن مدھو پورنیما کشور کا کہنا تھا کہ یہ اقدام غربت کو جرم بنانے کے مترادف ہے۔ کشور نے کہا،’’ یہ ظلم ہے۔ کیا اُن کو توقع تھی سمٹ پر آنے والے معززین گلیوں میں چہل قدمی کرتے ہوئے ان گداگروں سے بات کریں گے؟‘‘

اپنا تبصرہ بھیجیں